Straumar og stefnur í garðhönnun 2026

Við upphaf vetrar höfum við hjá Urban Beat haft þann sið að líta til baka yfir verkefni ársins og spá síðan fyrir um hver verða helstu áhersluefnin í garðhönnun á komandi ári. Þetta eru skemmtilegar pælingar þar sem við skoðum það helsta sem er á döfinni erlendis og hér heima, litaval, skipulag og spennandi nýjungar.

Heitur, kaldur og notaleg sturta

Hér má njóta útsýnis í góðu skjóli þar sem heitur og kaldur pottur hafa verið staðsettir saman. Trefjar bjóða upp á mikið úrval vandaðra potta ásamt öllum aukahlutum. https://trefjar.is/heitir-pottar/#pottarnir

Undanfarið höfum við séð aukna áherslu í þá átt að nýta garðinn til heilsuræktar og heitir og kaldir pottar spila þar svo sannarlega stórt hlutverk. Á komandi ári mun sá mikli áhugi sem við höfum séð á þessari pottatvennu án efa fara vaxandi. Útisturtan nýtur einnig mikilla vinsælda meðal viðskiptavina okkar enda fátt meira hressandi en góð sturta utandyra. Við spáum því að þessi þrenning muni fá enn meira vægi í görðunum okkar á komandi ári.

Gufubað fyrir heilsuna

Hér er skemmtileg samsetning gufubaðs, útisturtu, potts og geymslubekkjar. Verslunin Sauna sérhæfir sig í gufuböðum og hjá þeim er að finna hágæða lausnir fyrir heilsueflandi garða. https://sauna.is/collections/utisaunur

Og áfram með heilsufarslegan ávinning þess að eiga garð, sýnt hefur verið fram á hollustu þess að fara í gufubað og þá jafnt fyrir líkamlega sem andlega heilsu. Við höfum grun um að vinsældir þess að eiga sitt eigið gufubað muni aðeins fara vaxandi enda margar spennandi lausnir og útfærslur í boði!

Eldað úti í öllum veðrum

Hér er veglegt útieldhús með margvíslegum búnaði.

Útieldhús hafa notið gríðarlegra vinsælda síðustu ár og í görðunum okkar hafa orðið til alls kyns útfærslur, allt frá litlum grillskýlum upp í stærðar eldhús. Við höfum trú á að vinsældir útieldhúsanna muni síst fara minnkandi á komandi ári heldur springa út með tilkomu alls kyns nýjunga og aukahluta. Við hlökkum til að sjá hvert árið 2026 mun leiða okkur í þessari spennandi þróun.

Sumarið lengist svo um munar

Til eru fjölbreytt og vönduð gróðurhús sem henta íslenskum aðstæðum.

Það mannvirki sem virðist vera að slá algjörlega í gegn í görðum landsmanna er gróðurhúsið eða garðhýsið. Sá möguleiki að geta lengt sumarið svo um munar með þessum fallegu glerhýsum heillar marga og þá alls ekki aðeins til að rækta gróður. Borðstofa, slökunarrými, yogastúdíó eða hobbíherbergi, notkunarmöguleikarnir eru ótal margir.

Viðhaldslítill garður

Í þessum garði er úr mörgu að velja, púttvöllur, heitur pottur, gufubað, útisturta, kampavínsveggur og svæði til slökunar. Vinnan við viðhald mun þó ekki verða mikil þar sem gróður er í lágmarki og notast er við flísahellur og gervigras.

Garður sem krefst lítils viðhalds og hægt er að njóta, án þess að hafa samviskubit yfir öllu því sem þarf að sinna, er draumur margra. Að reyta arfa, bera á palla og klippa runna er ekki fyrir alla og uppteknu fólki þykir gott að geta notað garðinn til slökunar og tómstunda. Árið 2026 munu eflaust margir leggja áherslu á að geta nýtt frístundirnar í garðinum á þann hátt og hönnunarvinnan mun taka mið af því.

Fyrir árin eftir vinnu

Í þessum garði hefur verið komið fyrir gervigrasi og púttvelli ásamt þægilegum bekkjum.

Þegar hægist um hjá fólki og frístundum fjölgar vex mörgum í augum sú vinna sem fer í að

sinna viðhaldi garðsins. Fólk vill gjarnan nota tímann til að sinna hugðarefnum og fólk sér ekki fyrir sér umhirðu garðs í framtíðarplaninu auk þess sem mörgum reynist sú líkamlega vinna sem tilheyrir garðstörfum erfið. En þetta eru einmitt þau atriði sem auðvelt er að taka inn í ferlið og hanna viðhaldslitla en jafnframt glæsilega garða sem taka mið af þörfum hvers og eins. Vel hannaður og fallegur garður getur þess vegna verið einn af þeim hlutum sem veita ánægju um ókomin ár.

Litapalletta sem veitir hlýju

Hlýir litatónar í bland með gráu og svörtu.

Gjarnan er sagt að tískan fari í hringi. Svartir og gráir litatónar hafa lengi verið áberandi í garðhönnun og munu halda velli áfram. Þó sjáum við tilhneygingu til bjartari litatóna, brúntóna litir koma sterkari inn ásamt mosagrænum tónum. Við sjáum fyrir okkur litatóna kaffibaunanna, málmtóna koparsins og dempaða mosaliti. Og síðan en ekki síst litapallettu sem tekur mið af hverju heimili fyrir sig og endurspeglar í enn ríkari mæli en áður áherslur og stíl eigendanna.

Glæsileiki og þægindi

Horft inn í útieldhús, pottasvæði og gróðurhús í bakgrunni.

Vel hannaðir og útfærðir garðar eru eðlilegt framhald af húsinu sjálfu og falleg garðhúsgögn og annar aukabúnaður setja punktinn yfir i-ið. Úrval vandaðra húsgagna, útieldhúseininga, grilla og gróðurkerja hefur aukist mikið síðustu ár ásamt fjölbreyttri lýsingu sem lyftir garðinum upp á annað stig. Árið 2026 verður árið þar sem enn ríkari áhersla verður lögð á þessa aukahluti og garðarnir munu í auknum mæli fá á sig lúxusyfirbragð.

Meiri tækni í hönnunarvinnu

Að skoða garðinn sinn í sýndarveruleika er frábær leið til að sjá hvernig hann kemur til með að líta út og hvernig húsið og garðurinn spila saman.

Hjá Urban Beat hefur alltaf verið lögð áhersla á að nýta nýjustu tækni í hönnunarferlinu. Við teiknum alla garðana okkar í þrívídd og leggjum áherslu á vandaða grafík. Viðskiptavinir okkar skoða garðana sína í sýndarveruleika og eiga því mun auðveldara með að sjá fyrir sér hvernig garðurinn þeirra muni koma til með að líta út eftir framkvæmdir. Við nýtum okkur einnig öpp sem sýna sólargang eftir mismunandi árstíðum, þrívíðar skannanir og einnig aðstoðar gervigreindin okkur við myndrænar útfærslur og samanburð mismunandi lausna.

Við hjá Urban Beat bíðum spennt eftir komandi hönnunarári og hlökkum til að fylgjast með nýjungum og spennandi tækifærum í garðhönnun sem gera okkur kleift að njóta lífsins enn betur í garðinum.

Straumar og stefnur í garðhönnun 2025

Það er spennandi að fylgjast með þróun garðhönnunar og hvernig hún aðlagast þörfum og tíðaranda hvers tíma. Árið 2025 sjáum við skýra stefnu í átt að því að garðarnir verði lifandi hluti af heimilinu og spegill af lífsstíl okkar. Hér eru nokkrar áhugaverðar stefnur sem gefa tóninn fyrir næstu ár.

Garður eins og vel skipulögð íbúð

Garðurinn stækkar heimilið

Garðar taka í auknum mæli á sig eiginleika sem minna á vel skipulagðar íbúðir. Þægileg húsgögn, veðurþolin púðar og hlýleg lýsing gera það jafn eðlilegt að njóta góðrar bókar úti í garði og að henda sér upp í sófann heima. Flæðandi skipulag þar sem svæðin tengjast vel og hvert horn hefur sitt hlutverk – matargerð, samveru og afslöppun – tryggir að garðurinn verði miðpunktur útivistar allt árið.

Skjólsælt svæði með potti og kósíhorni

Skjól fer aldrei úr tísku

Garðar fyrir allar árstíðir eru í forgrunni, og skjólveggir, yfirbyggð svæði og öflugir útikamínur gera það að verkum að það er jafn notalegt að njóta garðsins í snjókomu eins og á sólríkum sumardegi. Heiti potturinn og gufubaðið fá aukna notkun á veturna, og mild lýsing ásamt sígrænum gróðri skapar hlýlegt og praktískt rými allt árið.

Betri stofan í garðinum

Gróðurhús sem athvarf

Gróðurhús eru ekki lengur aðeins fyrir ræktun heldur einnig staður til afslöppunar. Með þægilegri setustofu, góðri upphitun og fallegri hönnun getur gróðurhúsið orðið lítið athvarf, hvort sem þú vilt lesa, rækta eða einfaldlega slaka á – jafnvel þegar veðrið er ekki upp á sitt besta.

Útieldhús á sterum

Útieldhús á sterum

Útieldhús hafa orðið lykilatriði í garðhönnun. Gasgrill, pizzaofnar, borðsvæði undir þaki og upphituð svæði gera það að verkum að hægt er að elda og njóta með fjölskyldu og vinum allt árið. Lýsing og vel útfærð skipulagning tryggja að þessi samverustaður verði miðpunktur hvers garðs.

Krossfitt, jóga og hugleiðsla

Heilsurými í garðinum, hvort sem það er fyrir krossfitt, jóga eða hugleiðslu, verða sífellt algengari. Tartangólf eða gervigras henta fyrir æfingar, á meðan vatnshljóð, ilmandi gróður og róandi umhverfi skapa fullkomin skilyrði fyrir hugleiðslu. Hönnunin þarf að taka mið af notkun hvers og eins til að tryggja að rýmið sé bæði fallegt og hagnýtt.

Golf, boccia eða jógaæfingar

Grasflötin fær nýtt hlutverk

Grasflötin er ekki lengur bara til skrauts heldur leikur hún lykilhlutverk sem rými fyrir boccia, krokket eða golfæfingar. Hvort sem um er að ræða lifandi gras eða gervigras, tryggir þessi nýting að flötin fær aukið gildi sem félagslegt og skemmtilegt svæði.

Er mosinn að fá uppreisn æru?

Náttúruleg efni eins og mosi, lyng, íslenskur gróður og náttúrusteinar verða í lykilhlutverki árið 2025. Þessi efni gefa garðinum róandi og náttúrulegt yfirbragð sem endurspeglar íslenskt landslag, jafnvel í miðri borg.

Það er heillandi að sjá hvernig garðhönnun endurspeglar breytta lífsstíl og drauma okkar. Þróunin býður upp á óteljandi möguleika, og við hönnuðir og garðeigendur höfum ótrúlegt tækifæri til að skapa græn svæði sem gleðja bæði okkur sjálf og umhverfið.

Útieldhús á Íslandi: Hönnun og skipulag

Vinsældir útieldhúsa haf aukist á Íslandi undanfarin ár, þar sem margir vilja nýta útivistarsvæði í görðum sínum betur. Með mildari sumrum og auknum áhuga á að njóta tíma utandyra með fjölskyldu og vinum, eru útieldhús frábær leið til að auka notagildi garðsins, lengja sumarið og bæta lífsgæði. En hvernig er best að skipuleggja og hanna útieldhús á Íslandi? Hér skoðum við hönnun, skipulag garðsins í kringum útieldhúsið, og hvað þarf að hafa í sérstaklega huga.

1. Hönnun útieldhússins: Hagnýtt og fallegt rými

Við hönnun útieldhúsa er mikilvægt að byrja á grunninum: Hvernig viljum við nota það? Á að grilla, elda stórar máltíðir, eða einfaldlega undirbúa létta rétti? Þannig getum við áætlað stærð útieldhússins, val á tæki og búnaði, og hvernig aðgengi ætti að vera.

Grill og eldavél: Grillið er oft hjarta útieldhússins. Veldu góða staðsetningu fyrir grillið sem tryggir að það sé bæði öruggt og þægilegt í notkun. Ef þú vilt meira en bara grill, geturðu líka íhugað að setja upp eldavél, ofn, eða pizzaofn. Staðsettu þetta allt þannig að auðvelt sé að flytja mat og hráefni á milli svæða.

Vaskur: Ef þú hefur aðgang að vatni getur það bætt notagildi útieldhússins. Hér þarf að hafa í huga að leiðslur þurfa að vera vel einangraðar og útbúnar hitþráðum þar sem hætta er á frosti. Einnig má tæma leisðlur á haustin og nota vaskinn aðeins á sumrin.

Veðrufar: Þó að útieldhús á suðrænum slóðum krefjist ekki mikillar umgjarðar til að mynda skjól, þarf virkilega að taka tillit til veðurskilyrða á Íslandi. Það getur verið praktískt að byggja útieldhús við skjólvegg og hylja að hluta með þaki. Útihitarar geta einnig lengt árstímann sem hægt er að njóta útieldhússins fram á haust og snemma vors.

1. Útlit og efnisval

Efnin í útieldhúsið: Þegar kemur að efnisvali fyrir útieldhús á Íslandi þarf að hugsa um að velja endingargóð efni sem standast íslenska veðrið. Flísar eru frábær kostur fyrir borðplötur og tæki, þar sem þau eru bæði veðurþolin og auðveld að halda hreinu. Steinn eða viður fyrir borðplötur getur líka gefið fallegt náttúrulegt útlit, en það þarf að gæta þess að þau séu meðhöndluð og vel viðhaldið.

Hugað að náttúrulegu útlit: Íslendingar elska náttúruna, og útieldhús getur sameinað náttúrulega fegurð með hagnýtu rými. Veldu efni sem líkjast náttúrulegu umhverfi, svo sem grófan stein eða veðruðan íslenskan við eins og lerki, til að skapa rými sem falla vel að garðinum og umhverfi.

1. Að velja rétta staðsetningu

Staðsetning útieldhússins skiptir sköpum. Það er best að hafa útieldhúsið nálægt húsinu sjálfu til að auðvelda aðgengi að mat, áhöldum og borðbúnaði. Ef möguleiki er á að byggja það nálægt stofu eða eldhúsi inni getur það stytt vegalengdir og bætt tengslin milli innirýmis og útirýmis. Einnig er skemmtilegt þegar útieldhúsið er staðsett þannig að kvöldsólin úr vestri nær að skína þar inn.

Skjól og sól: Íslenskir sumardagar geta verið fallegir, en vindasamir. Þess vegna er nauðsynlegt að huga að skjóli þegar staðsetning er valin fyrir útieldhúsið. Staðsettu það þar sem skjól er frá vindum en það má auka með plöntun trjáa, runna eða með því að reisa skjólveggi. Einnig er mikilvægt að hugsa um hvar sólin skín mest á daginn. Að hafa sólsetursupplifun í útieldhúsinu getur verið dásamleg leið til að enda sumarkvöld.

Gróður: Það getur verið fallegt að staðsetja gróður við útieldhúsið. Runnar og fjölær blóm geta gert lift umhverfinu upp á hærra plan. Þá er líka skemmtilegt að hafa grænmeti og kryddjurtir aðgengilegar og nýta beint í eldamennskuna.

Góðar gönguleiðir: Hellu- eða flísalgðar gönguleiðir sem tengja útieldhúsið við húsið og resitna af garðinum geta gert gæfumuninn þegar kemur að notagildi. Einigg má not möl og stiklur sem gefa afslappað og stílhreint útlit.

Skemmtirými fyrir fjölskyldu og vini: Útieldhús er ekki bara fyrir matreiðslu; það er líka staður þar sem fjölskyldan og vinir safnast saman. Það er vel þess virði að huga að setsvæðum, borðum, og jafnvel heitum potti eða sólbekkjum nálægt útieldhúsinu. Þetta skapar skemmtilega stemningu til að njóta sumarkvölda og viðburða utandyra.

1. Hagnýt ráð til að nýta útieldhús á Íslandi

Þegar hönnun og skipulag er klárt, þá er mikilvægt að nýta útieldhúsið á skemmtilegan og hagnýtan hátt. Hér eru nokkur ráð sem geta hjálpað til við að gera notkunina bæði þægilega og skemmtilega.

Notagildi allt árið: Þó að sumarið sé stutt á Íslandi er hægt að nýta útieldhúsið meira en bara í júlí og ágúst. Með réttri hönnun og búnaði geturðu notið þess að elda úti nánast allt árið. Settu upp útihitara, eins og gas- eða rafmagnshitara, eða jafnvel arinn, til að halda rýminu hlýju og notalegu á köldum kvöldum. Einnig má útbú skermi eða svalaloku sem hægt er að loka hluta svæðisins með, en þannig eykst notgildið á veturna.

Nýstárleg hráefni: Það má grilla nánast allt og í útieldhús má vera skapandi með hráefnin. Á Íslandi er auðvelt að nálgast ferskt sjávarfang, lambakjöt, og grænmeti sem hægt er að grilla eða elda úti. Notaðu hráefni úr nágrenninu t.d. Melabúðinni ef þú býrð í Vesturbænum eða jafnvel úr eigin garði, ef þú ert með grænmetisreit nálægt útieldhúsinu.

Skipuleggðu skemmtilega viðburði: Útieldhús getur verið frábært tækifæri til að halda skemmtilega viðburði. Hvort sem um er að ræða sumargrillveislu, afmæli, eða kvældmat með stórfjölskyldunni, þá bætir útieldhúsið nýrri vídd við garðlífið. Með góðum undirbúningi, ljúffengum mat og þægilegu umhverfi getur hver viðburður orðið ógleymanlegur.

1. Lokaorð

Notkun útieldhúsa er frábær leið til að njóta sumarsins og eyða tíma með fjölskyldu og vinum í garðinum. Með réttri hönnun, góðu skipulagi garðsins og aðlögun að íslensku veðurfari má útbúa útieldhús sem er bæði hagnýtt og fallegt. Með því að huga að réttum efnisvali, staðsetningu og gróðri verður útieldhúsið miðpunktur garðsins, og veitir þannig bæði gleði og notagildi allt árið.